Novas imaxes da arquitectura docente en Galicia. Santiago de Compostela. 2007
Como o modo máis próximo de comunicar reflexións arquitectónicas ou urbanas, as exposicións teñen que axuntar calidade nos contidos e claridade na súa montaxe. Nas exposicións realizadas ata o momento optouse por priorizar a transmisión do coñecemento como marco inicial do necesario debate arquitectónico. Apostamos por producións flexibles que permitan o seu uso reiterado. Adaptámonos a diferentes sistemas expositivos como un modo de investigación constante entendendo que o contido das mostras pode ser transmitido a través de fotografías, textos, escenografías ou producións audiovisuais.